Pādējā laikā runojam par dreiži pīaugūšu hibridapdraudiejumu iz Latvejis-Boltkrīvejis rūbeža. Taipat aizguojušajā nedeļā školys i bārnuduorzi sajēme draudu viestulis, koč i policeja ziņuoja, ka reala apdraudiejuma nav, tok vairuokuos školuos Latgolā školānus evakuēja.

Kaidys ir realuos hibridkara izpausmis Latgolā, kai iz tom reagēt i kai ar tom sadzeivuot, par tū raidejumā runojam ar NATO Strategiskuos komunikacejis izcileibys centra vacuokū eksperti Elīnu Langi-Ionatamišvili, viesturnīku, Vydzemis Augstškolys vodūšū pietnīku Gati Krūmiņu i “Medeju atteisteibys i pietnīceibys centra” vaļdis lūcekli Ingemāru Vekteri.