Latgalīšu kulturys ziņu portals lakuga.lv itūgod svietej sovu 15. jubilejis godu. Tys ir vīneigais piļneibā latgaliskais ziņu portals škārsteiklā, kas ilgus godus struodoj iz breivpruoteibys pamatu i dažaidūs projektūs dasaisteituo finansiejuma. Lakuga.lv sataiseituojs i atteisteituojs ir bīdreiba “LgSC”, kurei cyta vydā nūsadorboj ar dažaidu latgalisku procesu aktualiziešonu, gruomotu izdūšonu i cytom ar latgalīšu volūdu saisteitom aktivitatem. Vīna nu aktivuokūs bīdreibys projektu atteisteituoju i ari latgalīšu kulturys ziņu portala vadeituoja Edeite Husare, kas poša ir daudzu latgalisku projektu i nūtikšonu iniciatore i eistynuotuoja. Edeite ir marketinga specialiste, sovulaik bejuse Latgolys viestnīceibys GORS komandā, vīna nu Latgalīšu kulturys goda bolvys “Boņuks” reikuotuoju, sataisejuse folklorys kūpu “Ceidari”, apkūpuojuse 300 dzīsmis latgaliski kruojumā “Muna dzīšmu gruomota”, eistynuojuse ideju par dzejūļu gruomotu bārnim “Vuškeņa iz pļovys”, voda myusdīnu latgalīšu literaturai veļteitū raidīrokstu “Puslopys” Latvejis Radejā i īsasaista daudzūs cytūs procesūs Latgolā.
Itūreiz saruna ar Edeiti Husari par latgalīšu volūdys izaicynuojumi myusdīnu vidē i volūdys atteisteibys īspiejom.