Ludzys nūvoda Mežavydu tomati i syltumneicys ir tys, ar kū da ituo vaira zynomi Mežavydi Kuorsovys pusē. Aptyvai pyrma 15 godu Edgars Romanovskis beja vīns nu tūs, kurs kūpā ar partnerim pošā Latvejis-Krīvejis pīrūbežā nasabeide izceļt lelys syltumneicys i vysai Latvejai pīduovuot pošu audzātus tomatus vysu godu. Niu tys jau ir izaudzs par lauksaimnīceibys i tehnologeju parku, kas aizjam vaira nakai 15 ha lelu teritoreju Latvejis austrumu pīrūbežā.

Niu Edgars Romanovskis ir naviņ brīdreibys „Mežavydu lauksaimnīceibys i tehnologeju parks” projektu vadeituojs, bet ari Latvejis handbola federacejis padūmis lūceklis. Deļ tuo itūreiz raidejumā ar Edgaru Romanovski runojam kai par inovacejom lauksaimnīceibā i pietnīceibys īspiejom Latgolā, tai ari par sportu i par goda beiguos Ludzā gaidomū Baļtejis jiurys vaļstu kausu handbolā.