Pārnejuo goda junī 13. Saeima ar 92 nu 100 deputatu bolsim par Latvejis Republikys Generalprokuroru īcēle 48 godus vacū i Ludzys pusē dzymušū Juri Stukānu, kurs vysu sovu profesionalū karjeru veļtejs dorbam tīslītu sistemā i ari jaunūs specialistu apvuiceibai. Vēļ dorbuodamīs kai tīsness, Jurs Stukāns beja izapeļnijs žurnalistu simpatejis ar tū, ka atkluotai stuosteja par sprīduma pījimšonu digitaluos TV īvīsšonys kriminallītā.

Ar Juri Stukānu runojam par pyrmū aizvadeitū pusgodu generalprokurora omotā, par prokuraturys vītu i lūmu vaļsts i tuos dzeivuotuoju kasdīnā, par tīsiskumu i par aktualuokajim procesim Latgolā.

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.