Ar latvīšu volūdys i literaturys školotuoju Ilgu Stikuti sasatykom Školuotuoju dīnā i runuojom par pīredzi, dzymtū vītu, atsagrīsšonu Latgolā i īspiejom ite iz prīšku.

Kruoslovys gimnazejis školuotuoja Ilga Stikute soka:

"Juodzeivoj školā tai, lai kotrys bārns saprūt, ka jis ir svareigs i nūdereigs."

Ilga Stikute jau 30 godu struodoj sovā dzymtajā vītā Kruoslovā školā, kur ari poša ir vuicejusēs. Ilga lapnojās ar sovim školānim i uzskota, ka Latgolā kai piļsātys, tai lauku školuos kotram jaunīšam ir īspiejis pylnvierteigi  atsateisteit, ka viņ ir gribiešona, deļtam ka „duorgakmini rūnās nazkur dziļumūs”.

Ilga ir energiska, īdvasmoj školānus ar sovu pīmāru i jai ir svareigi, kab Kruoslovys gimnazeja „ir škola, iz kurīni jaunīši grib atsagrīzt”.