Rēzeknē tikū aizvadeita Latgolys regionaluo diskuseja par vysaptvarūšu vaļsts aizsardzeibu, kurā pīsadaleja regiona uzjiemieji, pošvaļdeibu i izgleiteibys īstuožu, navaļstiskūs i religiskūs organizaceju, kai ari plašsazinos leidzekļu puorstuovi.

Leidzeigys diskusejis itūgod majā i junī jau nūtyka Kūrzemē i Zemgalē, kai ari itaidu diskuseju planavuots organizēt Vydzemē, turpynojūt īvīst vysaptvarūšu vaļsts aizsardzeibu i sekmejūt vysys sabīdreibys īsasaisteišonu dažaidu krīžu planavuošonā i puorvariešonā.

Itūreiz raidejumā par aktualuokū aizsardzeibys sferā Latvejā i myusu regionā saruna ar Aizsardzeibys ministrejis vaļsts sekretaru Jāni Garisonu.