Par Daugovpili, par Latvejis ūtruos leluokuos piļsātys jaunīšim, par demokratejis procesim, pylsūniskū aktivitati i īsaisti saruna ar biedreibu „New East”. Bīdreiba „New East” Daugavpilī dybynuota 2016. godā i sevi pīsoka kai navaļstisku organizaceju sabīdreibys leidzdaleibai i pozitivom puormaiņom.
„New East” izveiduotuojs Jorens Dobkevičs (Joren Dobkiewicz) i juo komanda itymā piļsātā ir vīni storp pādejā laikā radzamuokajim vysaidu projektu i procesu aktivizātuojim na viņ Daugavpilī, bet ari storptautiskajā vidē. Ite jī struodoj ar medprateibys programom, navaļstiskim kulturys pasuokumim i veidoj platformu kūpīnys īsaisteišonai i atteisteibai.

„Kai myusim nazkod vīns piļsātys dūmis deputats privatā sarunā saceja – jius asat Eiropys vierteibu propagandisti, - tys beja tik smīkleigi, i tik lobs komentars par myusu dorbu.

Nui, mes ite asam Eiropys vierteibu propagandātuoji. I mes turpynuosim tū dareit i ceineitīs par dažaidu Daugovpili i dažaidom vierteibom,” soka Jorens Dobkevičs (Joren Dobkiewicz).