Atzeimejūt barikažu 30. godadīnu, itūreiz sasarunojam ar tuos paaudzis puorstuovim, kas dzymuši jau naatkareigā vaļstī, pa 30 godim izauguši, dabuojuši izgleiteibu i pīredzi, i turpynoj myusu vaļsts atteisteibu. Cik nūzeimeigys jim ir patriotisma jiutys i kū jī dūmoj par nūteikūšu vaļstī, reizē ar kuru ir auguši jī poši?
Raidejumā pīsadola socialuo projekta “Neklusē” autore Marika Andžāne, “Šmakovkas muzeja” Daugovpilī vadeituojs Viktors Andrušķevičs, Rēzeknis Turisma informacejis centra specialiste Elīna Pastare i Guna Gavrilko, kurei struodoj Aizsardzeibys ministrejā.

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.

Īsaklausi! Raidam latgaliski!