Sastdiņ Vīsītē gaidoms Sēlejis kongress. Pyrmū reizi zynuotnīku saītu, kas saukts par kongresu, deveņdesmitajūs godūs nūorganizēja akademikis Jānis Stradiņš. Tradiceja turpynojās, apceļojūt Sēleju nu Silenis da Jaunjelgovys, bet pyrma 10 godu kongresa reikuošonu puorjēme politiki, pošvaļdeibu vadeituoji. Kongress, saprūtams, ir tik vīna nalela daļa nu Sēlejis identitatis i atteisteibys izaicynuojumu apzynuošonai veļteita aktivitate. Vēļ īprīškejūs 10 godūs Sēlejā atsateistiejušys vītejuos kūpīnys, mozī turisma pakolpuojumu snīdzieji, vystik voi ar itū ir gona i kaidys ir Sēlejis ambicejis?
Par tū i cytim vaicuojumim, kas nūdarbynoj Sēleju šudiņ, sarunā ar kūpīnu sadarbeibys teikla “Sēlijas salas” puorstuovi Ievu Jātnieci, Vaļsts prezidenta padūmnīku Jāni Plepu, Jākubpiļs nūvoda dūmis prīšksādātuoja vītinīku Aivaru Vanagu (Jaunā konservatīvā partija) i “Stendera biedrības” vaļdis prīšksādātuoju Jāni Dimitrijevu.