Kas šudiņ ir Latgolys uzjiemiejdarbeibys eksporta potencials, iz kaidu pamatu tū iz prīšku atteisteit i kai padareit Latgolys regionu pīviļceiguoku investicejom i jaunu uzjiemieju pīsaisteišonai, iz itaidim vaicuojumim septembrī Rēzeknē dažaidu nūzaru eksperti meklēja atbiļdis Latgolys regiona eksporta forumā.

Eisuok i kūduleiguok par izrunuotū forumā i par tū, kas tod ir Latgolys eksporta prece šudiņ i kas tys varātu byut iz prīšku, itūreiz raidejumā izvaicojam Puorresoru koordinacejis centra vadeituoju Pēteri Vilku, Latgolys specialuos ekonomiskuos zonys puorvaļdnīka vītinīku Vladislavu Stankeviču i AS “Latvijas valsts meži” padūmis prīšksādātuoju Edmundu Beļski.