Latvejā dzeivojūšim Krīvejis piļsūnim leidz 1. septembram beja juopīprosa pastuoveiguo dzeivuotuoja statuss, i deļtuo ari juonūkuortoj vaļsts volūdys puorbaude. Vaļsts volūdys puorbaudi nav nūkuortuojuse gondreiž puse aba 10 tyukstūšys Krīvejis piļsūņu. Bet tī Krīvejis piļsūni, kuri leidz 1. septembram nav pīsasacejuši uzaturiešonys atļuovei, dreižumā sajims viestulis ar aicynuojumu 90 dīnu laikā pamest vaļsti. Catūrtdiņ Saeimys sēdē deputati konceptuali atbaļstejuši lykuma puormeišonu volūdys puorbaužu pagarynuošonai Krīvejis piļsūnim par divejim godim. Kū tys nūzeimoj i kū itī diveji godi varātu dūt, kai ari kai kūpumā itū integracejis politiku uzlobuot, itūreiz runojam ar Saeimys aizsardzeibys, īšklītu i korupcejis nūviersšonys komisejis deputatu Edvīnu Šņori (Nacionaluo Apvīneiba), Krīvejis piļsūņu Latvejā interešu puorstuovi i aktivisti Daugovpilī Olgu Petkeviču, zvārynuotu advokatu i konstitucionalūs tīseibu i cylvāktīseibu ekspertu Lauri Liepu i Mārtiņu Kaprānu, komunikacejis zynuotnis doktoru, kurs pietejs krīvvolūdeiguos kūpīnys postpadūmu telpā.