Sastdiņ Latgalīšu kulturys goda bolvys “Boņuks 2022” padūšona, kur gūdynuos aizvadeituo goda aktivuokūs latgalīšu kulturys dareituojus. Lela daļa bolvys nominantu sovys aktivitatis realizējuši pasasokūt uzraksteitūs projektu dažaiduos programuos atbolstam. Jau itymā breidī ir skaidrys, ka, veidojūt budžetu, jaunuo vaļdeiba ir īvīsuse izmainis atseviškuos jūmuos, kas varātu ītekmēt ari projektu atbolsta īspiejis latgalīšu kulturai i latgalīšu volūdys apgivei, par pīmāru, apturāta Latvijas vaļsts mežu atbaļsteituo programa, īlīkūt naudu budžetā.
Cik cereigi i stabili iz prīšku var viertīs latgaliskūs projektu realizātuoji i voi byus vareiba turpynuot daudzuos Latgolys školuos īsuoktū latgalīšu volūdys vuiceibu programu, par tū saruna ar latgalīšu kulturys kusteibys "Volūda" vadeituoju  Edeiti Husari, Rēzeknis Vaļsts 1. gimnazejis latvīšu valūdys i literaturys, nūvodu vuiceibys i latgalīšu volūdys školuotuoju Eviku Muiznieci i 14. Saeimys deputatim — Annu Rancāni (Jaunā VIENOTĪBA) i Juri Viļumu (APVIENOTAIS SARAKSTS).