Nu ituo gods oktobra Vaļsts policejis Latgolys regionaluos puorvaļdis prīšknīka omotā īcalts Gundars Trops. Bet Juris Pastars, kurs beja Latgolys regiona puorvaļdis prīšknīks da ituo, jemūt vārā policejis izaicynuojumus i strategiskūs aizdavumus iz prīšku, puorcalts Golvonuos adminstrativuos puorvaļdis prīšknīka vītinīka, Sadarbeibys i atteisteibys biroja prīšknīka omotā.
Pulkvežleitnants Gundars Trops da ituo bejs Vydzemis regiona puorvaļdis Modūnis īcirkņa prīšknīks. Latgolys regiona puorvaļdis jis vadeis da 2025. gods 30. marta.


Jau pyrmajā dorba mienesī Tropam daguoja sasadūrt ar namīrim okupacejis režimu slovynūšūs pīminekļu demontažys procesā Daugovpilī, nūzīgumim saisteibā ar pretvaļstiskom darbeibom i ari dorbu uorkuortejuos situacejis laikā pīrūbežā. Vys tik cyta vydā jis soka, ka taišni Latgolā ir vysumozuokuos problemys ar darbinīku tryukumu puorvaļdē. Par tū, kai plānuots turpynuot regionā vys vēļ aktualū ceiņu ar kontrabandu i kibernūzīgumim i kaidys puormainis Vaļsts policeju sagaida jau tyvuokajā laikā, sarunā ar Latgolys regiona puorvaļdis prīšknīku Gundaru Tropu.