Jamūt vārā hibridkara apstuokļus, kurūs vys vēļ dzeivojam te pi rūbeža ar agresorvaļstim, jamūt vārā pīaugūšuos sankcejis, tymā vydā ari pret Boltkrīveju, jamūt vārā nalegalūs migrantu vaicuojumu, kas nav palics mozuoks ari pādejā laikā, raidejumā izvaicuosim napaseņ omotā īcaltū uorlītu ministru Baibu Braži (Jaunā Vienotība).

Taipat iz sarunu aicynuosim i VARAM voi garuokā i jaunajā nūsaukumā Vīduos administracejis i regionaluos atteisteibys ministri Ingu Bērziņu (Jaunā Vienotība), kurū izvaicuosim par situaceju Rēzeknis vaļstspiļsātā, kur, kai zynoms, niu jau gondreiž mienesi atlaistūs dūmis deputatu vītā struodoj jaunīcaltī administratori. Kai poša Bērziņa naseņ medejim izasaceja: finaņšu situaceja Rēzeknē ir slyktuoka nakai nu suoku ruodejīs. Cik tod nalabi ir i kū var dareit?