Vaļdeiba jau cytā godā īceriejuse reformēt ar autoratleidzeibom saisteitū nūdūkļu režimu. Pret vysai lelajom īcarātajom puormaiņom īsastuoj rodūšūs profeseju puorstuovi – muokslinīki, muziki, rakstnīki – oktobra vydā pi Saeimys sātys reikojūt akceju i nu ceglu izceļūt “Nesaprašanas sienu”.
Par īcarātajom nūdūkļu puormaiņom i kai tys ītekmēs jau tai nu pandemejis īrūbežojumu cītušū kulturys nūzari, šūreiz sovys dūmys aicinovom izsaceit komponistu, dzīsminīku, dialektu popularizātuoju i nu oktobra vyds ari “Autortiesību un komunicēšanās konsultāciju aģentūras/Latvijas Autoru apvienības” prezidentu Kārli Kazāku, muziki, akcejis “Nesaprašanas siena” dalinīku Artūru Uškānu, Latgolys viestnīceibys GORS vadeituoju Diānu Zirniņu i Daugovpiļs teatra vaļdis lūcekli Ritu Strodi.

 

 

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.

Īsaklausi! Raidam latgaliski!