Tai kai ir suocīs presis aboniešonys laiks, itymā reizē raidejuma diskusejis daļu veļteisim Latgolys i Latvejis medeju i žurnalistu izaicynuojumim itymā i cytā godā. Kūpā ar Reigys Stradeņa universitatis profesori, medeju eksperti Andu Rožukalni, Latvejis Regionalūs medeju asociacejis puorstuovi, žurnalisti Egitu Jonāni i sovulaik „Latgales Radio” dybynuotuoju, ņiu Leivuona nūvoda dūmis deputatu Valdi Labinski īsavērsim globalūs procesūs i kai tī ītekmej medejus lokali, diskutēsim par gūdeigys i nagūdeigys konkureņcis apstuoklim i latgalīšu volūdys īspiejom byut plotuok puorstuovātai medejūs.

 

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.

Īsaklausi! Raidam latgaliski!