Jau ituo goda 5. junī piec naseņ nūtikušuos teritorialuos reformys jaunajūs nūvodūs nūtiks pošvaļdeibu vieliešonys. I ituos vieliešonys byutisku nūzeimi pamess na tik viņ iz vītvarom, bet īzeimuos arī jaunus rūbežus. Latvejis Radejis Latgolys studeja turpynoj prīškvieliešonu diskuseju cyklu, kurymā sešu raidejumu laikā izvaicuosim deputatu kandidatu sarokstu liderus voi puorstuovus Latgolys tūpūšajūs nūvodūs, kurūs vysvaira ir ītekmiejuse administrativi teritorialuo reforma.

I itymā nedeļā fokusā jaunveidojamais Augšdaugovys nūvods, kas iz prīšku piec vieliešonu apvīnuos Daugovpiļs i Ilūkstis nūvodus, kūpumā vaira kai 26 tyukstužys īdzeivuotuojus. Iz 15 deputatu mandatu Augšdaugovys nūvodā preteņdej 82 politiķi nu pīcu parteju, kū itymā raidejumā puorstuov:

  • Andrejs Faibusevičs, Jaunā konservatīvā partija, Politiskā partija "Latvijas Reģionu Apvienība", Nacionālā apvienība "Visu Latvijai!"-"Tēvzemei un Brīvībai/LNNK",
  • Jānis Belkovskis, Daugavpils novada partija,
  • Viktors Jasiņavičs, "Saskaņa" sociāldemokrātiskā partija,
  • Maigurs Krievāns, Latvijas Zemnieku savienība,
  • Māris Bozovičs - “Latgales partija”.

 

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.