Jau ituo goda 5. junī piec naseņ nūtikušuos teritorialuos reformys jaunajūs nūvodūs nūtiks pošvaļdeibu vieliešonys. I ituos vieliešonys byutisku nūzeimi pamess na tik viņ iz vītvarom, bet īzeimuos arī jaunus rūbežus. Latvejis Radejis Latgolys studeja turpynoj prīškvieliešonu diskuseju cyklu, kurymā sešu raidejumu laikā izvaicuosim deputatu kandidatu sarokstu liderus voi puorstuovus Latgolys tūpūšajūs nūvodūs, kurūs vysvaira ir ītekmiejuse administrativi teritorialuo reforma.

I itymā nedeļā fokusā jaunveidojamais Kruoslovys nūvods, kas iz prīšku piec vieliešonu apvīnuos Kruoslovys, Dagdas nūvodus i Aglyunys nūvoda Kastulinys, Škeltovys i Grāveru pogostus. Iz 18 deputatu mandatu Kruoslovys nūvodā preteņdej 126 kandidati nu septeņu parteju, itymā raidejumā tuos puorstuovēs:


•    Dagdys nūvoda dūmis deputats Raimonds Nipers, pyrmais politiskuos partejis KPV.LV sarokstā;
•    Dagdys nūvoda dūmis deputate Inese Plesņa, ūtruo socialdemokratiskuos partejis “Saskaņa” sarokstā;
•    Dagdys nūvoda dūmis deputats Viktors Stikuts, pyrmais “Latgales partija” sarokstā;
•    Zemnīku saimisteibys “Alas” eipašnīks Dmitrijs Zalbovičs, pyrmais “Jaunā Konservatīvā partija” sarokstā;
•    SIA “Iviks” eipašnīks Ivars Stivriņš, ostoņpadsmitais “Latvijas Zaļā partija” sarokstā;
•    Jaunīšu bīdreibys “DAGNE” vaļdis prīšksādātuojs Aivars Bačkurs, pīktais “Latvijas Reģionu apvienība” sarokstā;
•    Kruoslovys nūvoda dūmis prīšksādātuojs Gunārs Upenieks, pyrmais “Latvijas Zemnieku savienība” sarokstā.

 

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.