Jau ituo goda 5. junī piec naseņ nūtikušuos teritorialuos reformys jaunajūs nūvodūs nūtiks pošvaļdeibu vieliešonys. I ituos vieliešonys byutisku nūzeimi pamess na tik viņ iz vītvarom, bet īzeimuos arī jaunus rūbežus. Latvejis Radejis Latgolys studeja turpynoj prīškvieliešonu diskuseju cyklu, kurymā sešu raidejumu laikā izvaicuosim deputatu kandidatu sarokstu liderus voi puorstuovus Latgolys tūpūšajūs nūvodūs, kurūs vysvaira ir ītekmiejuse administrativi teritorialuo reforma.

I itymā nedeļā fokusā jaunveidojamais Preiļu nūvods, kas iz prīšku piec vieliešonu apvīnuos Preiļu, Rībeņu, Vuorkovys i Aglyunys nūvodus (bez Grāveru, Kastuļinas, Šķeltovas pog.), kūpumā gondreiž 17 tyukstužys īdzeivuotuojus. Iz 15 deputatu mandatu Preiļu nūvodā preteņdej 135 kandidati nu ostoņu parteju. Tai kai "Saskaņa" sociāldemokrātiskā partija i LATGALES PARTIJA, Jaunā VIENOTĪBA diskusejā sovu daleibu atsaceja, itymā raidejumā pīsadaleis sešu politiskūs parteju ci apvīneibu lideri:

Ilga Zalāne, Politiskā partija "KPV LV",

Pēteris Rožinskis, Nacionālā apvienība "Visu Latvijai!"-"Tēvzemei un Brīvībai/LNNK",

Ārijs Vucāns, APVIENĪBA IEDZĪVOTĀJI, Politiskā partija "Latvijas Reģionu Apvienība", Jaunā konservatīvā partija,

Mindaugas Bitinas, Latvijas Sociāldemokrātiskā strādnieku partija,

Lauris Pastars, "Latvijas attīstībai",

Āris Elsts, Zaļo un Zemnieku savienība.

 

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.