Tyvojūtīs regionalūs laikrokstu aboniešonys kampaņu laikam, kai īrosts sasateikam ar regionalūs medeju puorstuovim, kab saprostu, kai šudiņ dzeivoj myusu tyvuokī “sorgsuni”, kas uzmona i kam byutu juouzmona, kū dora vītvarys, kū i kai dora vaļdeiba i dažaidys institucejis. Tī ir ļauds, kuri dūmoj par vītejū sabīdreibu, par sovu skaiteituoju, klauseituoju, skateituoju. Vītejuo prese dūmoj par mums – sovim īdzeivuotuojim, apleicīni i lobuoku dzeivi, bet itūreiz padiskutēsim ari par tū, kai dzeivoj poša itei vītejuo i regionaluo prese, kaidys ir atteisteibys īspiejis i sovā veidā apsavērsim Latgolys regionu drupeit ar skotu nu molys.
Itūreiz raidejumā ar interesantim redzīnim pasadaleis laikroksta “Dzirkstele” golvonuo redaktore Ginta Alberte, “Neaktarīgās Tukuma Ziņas” redaktore Ivonna Plaude, bet Latgolys regiona medeju vidi raksturuos naatkareigais žurnalists, kurs īsasaista dažaidūs radejis i TV projektūs, Tenis Bikovskis.