Saeimys deputatu vairuokums aizvadeitajā nedeļī 1. lasejumā nūbolsova par izastuošonu nu Stambulys konvencejis jeb Eiropys Padūmis konvencejis par vardarbeibys pret sīvītem i vardarbeibys saimē nūvieršonu i apkaruošonu. Pyrma bolsuojuma deputatu vairuokums lēme tam nūsacēt steidzameibu i skatēt tū tikai divejūs lasejumūs.
Latgolā pādejūs godūs ir nūtykuši skaļi i tragiski nūzīgumi, kuri ir saistāti ar vardarbeibu, par pīmāru, septeņgadeiguos Justīnes nūgalynuošona voi divgadeiguo Andreja atstuošona nūsoļšonai Rēzeknes nūvodā.
Kas šūbreid Latgolā nūteik vardarbeibys apkaruošonys jūmā i profilaksī, voi uzaticim tīseibsorgojūšajom īstuodem, voi zinim, kur īt pēc paleidzeibys i cik daudzi kas mainejīs laikā, kod Latveja beja ratificejuse Stambulas konvenceju, par tū itūreiz raidejumā Valsts policejis Prevencejis vadeibas biroja prīkšnīks Andis Rinkevics, Latvejis vadūšuos sīvīšu tīseibu aizstuoveibys centra “MARTA” Rēzeknes filiales vadeituoja Alīse Potaša i Rēzeknes nūvoda Socialuo dīnasta vadeituoja Inta Greivule–Loca.
Ieteikt
Latvijas Radio aicina izteikt savu viedokli par raidījumā dzirdēto un atbalsta diskusijas klausītāju starpā, tomēr patur tiesības dzēst komentārus, kas pārkāpj cieņpilnas attieksmes un ētiskas rīcības robežas.
Pievienot komentāru
Pievienot atbildi
Lai komentētu, ienāc arī ar savu draugiem.lv, Facebook vai X profilu!
Draugiem.lv Facebook X