Jau gondreiž gods byus apleik nu laika, kod myusu sābru vaļstī Boltkrīvejā suocēs protesti pret pārnejuo goda 9. augustā nūtykušūs prezidenta vieliešonu rezultatu i autoritarū prezidentu Aleksandru Lukašenko puorauga protestātuoju sadursmēs ar drūseibys spākim. Protestu gaitā tyukstūšom ļaužu aizturāti, vairuok symti īvaiņuoti.

Jau godu dzeivojam ar itaidu skotu iz sovim sābrim. Boltkrīvejā daudzim nu Latvejā i eipaši Latgolā dzeivojūšajim ir rodi. Itūreiz sarunā ar Latvejis viestnīku Boltkrīvejā Einaru Semani i latgalīti Ansi Ataolu Bērziņu, folkloristu i programātuoju, kas sovulaik par pīsadaleišonu 2009. goda 13. janvara Vacreigys namīrūs struopeits ar nūsaceitu breiveibys atjimšonu, kas probacejis nūsacejumu napiļdeišonys rezultatā puortapa par cītuma struopi, pīsavieršam sābru attīceibom i ituos šaļts situacejai Boltkrīvejā i kai sābrūs, Latgolā, dzeivojūšajim iz tū vērtīs, atsatīkt, dūmuot ci aktivi īsastuot.

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.