Viļānu nūvods, kurymā tān dzeivoj drupeit vaira par pīcom ar pusi tyukstūšom cylvāku, ņiu apvīnoj sevī kai Viļānu piļsātu, tai Dekšāru, Sokolku i Viļānu pogostus. Pēc jaunos teritorialuos reformys jau ar cytu godu Viļānu nūvods tiks davīnuots lelajam Rēzeknis nūvodam, kai tys ir bejs jau agruok.
Šūreiz raidejumā raugam saprast, kai Viļāni dzeivuojuši da šam, kaidys puordūmys vītejim dzeivuotuojim ir par ituos vītys nuokūtni, kai puordzeivuots ‘Covid19’ pandemejis laiks, kai Viļānim pīsaisteit jaunīšus i jaunuos saimis i kas eisti ir Roza i Miļa.
Iz sarunu asam aicynuojuši kuodreizejū Viļānu mēru Juri Tuču, kulturys noma vadeituoju Margaritu Cakulu i divejus Viļānu nūvoda dūmis deputatus – uzjiemieju Ingu Zundu i fizioterapeitu Māri Klauču.

 

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.

Īsaklausi! Raidam latgaliski!