2019. godā piļsātuos i cīšuok apdzeivuotūs cīmūs eipašā pošvaļdeibu datubazē beja juoizsuoc registrēt sātys, dzeivūkļus voi vosorys sātys, kas nav daslāgtys centralizātai kanalizacejis sistemai. Beja paradzātys ari styngruokys praseibys decentralizātūs kanalizacejis sistemu aba tualetu ci sausūs ateju apsaimnīkuošonā. Nūsacejumi tyka īvīsti, kab taiseitu kontroli i nūvārstu nalabvieleigu ītekmi iz vidi. Ka izmontuotuo decentralizātuo kanalizacejis sistema itūšaļt naatbiļst praseibom, tod itaidu sausūs tualetu sakuortuošonai īdūtais laiks ir da 2021. gods 31. decembra.
Kai tys izadevs i voi decentralizātuos kanalizaceis sistemys varēs videi atbylstūšā veidā sakuortuot da ituo gods gola, tū itūreiz raidejumā skaidruosim kūpā ar VARAM iudiņa resursu nūdalis vadeituoju Ivetu Teibi, Rēzeknis nūvoda Moltys pogosta puorvaļdis vadeituoju Vitāliju Skudru i vidis inženeri, Ludzys nūvoda “Kārsavas namsaimnieks” vaļdis lūcekli Juri Vorkali.