Vairuokys Latvejis piļsātys, tymā vydā ari Latgolā i Sēlejā, īsasaistejušys ceiņā par Eiropys kulturys golvyspiļsātys 2027 statusu. Kū taida statusa dabuošona varātu nūzeimuot Daugovpilij i Jākubpilij, kas obejis ir padavušys sovu pīsacejumu konkursā iz vierteigū statusu.
Par tū, kaidi ir golvonī “kozuri” voi argumenti, kurūs sovūs pīsacejumūs izmontoj kotra nu piļsātu, kaids nu statusa byutu reals lobums piļsātai, regionam, dzeivuotuojim, infrastrukturai i turistu pīsaistei, raidejumā atkluoj Eiropys kulturys golvyspiļsātys 2027 konkursa pīsacejuma izstruodis dorba grupys vadeituoja Līva Rūliete Jākubpilī, taidys pošys grupys koordinatore Daugovpilī Diāna Soldāne i režisore i dramaturge Krista Burāne.