Tyvejuos pandemejis i reformys laiku pošvaļdeibu vieliešonys. Kaidys tuos gaidomys Latgolā?
Partejom i politikim izvēlis veikšonai palykuši viņ tik diveji mieneši, bet vālātuojim - taišni četri. Leidz 6. apreļam juobyut īsnēgtim kandidatu sarokstim, bet 5. junī tūs jau byus juomat bolsuošonys urnuos. Voi ituos vieliešonys byus par puormaiņu suokumu?

Reformai Latgolā pošvaļdeibys gatavejās dažaidūs „uotrumūs”. Cikom Reigā politiki izsuokuši diskuseju, voi ‘Covid-19’ deļ tuos navajadzātu puorceļt.
Par prakstiskajim prīškdorbim „Latgolys stuņdis” pyrmajā pusē saruna ar Centraluos vieliešonu komisejis sekretaru Ritvaru Eglāju i Vidis aizsardzeibys i regionaluos atteisteibys ministra padūmnīku Madaru Lasmani.
Sovpus par tū, kai partejis gatavej sarokstus startiešonai deveņuos Latgolys pošvaļdeibuos, saruna ar tū līderim regionā. Latvejis Regionu apvīneibu diskusejā puorstuov Juris Viļums, Jaunū Konservativū parteju - Guntis Rasims, bet parteju “Saskaņa” - Jānis Krišāns.

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.