Jau 11. janvarī Reigys dūmis vadeiba atsaskaiteis par dūmis dorbu pyrmajuos 100 dīnuos nu īvieliešonys pārnejuo goda augusta beiguos. Golvyspiļsātys pošvaļdeibā struodoj ari vairuoki deputati, kuri īt nu Latgolys. Tai kai Reigai ir lela ītekme iz dzeivi regionā i tū par sovu pagaidu voi pastuoveigu sātu skaita daudzi bejušī voi asūšī Latgolys īdzeivuotuoji i aktivi latgalīši, itūreiz iz sarunu par tū, cik daudz golvyspiļsāta dūmoj i var dūmuot par regionim i tūstorp par Latgolu i latgalīšim, aicynuojom Reigys dūmis deputatus – Agnesi Loginu („Progresīvie”), Ivetu Ratinīku („Latvijas attīstībai”) i Miroslavu Mitrofanovu („Latvijas Krievu savienība”).

 

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.

Īsaklausi! Raidam latgaliski!