Jau ituo goda 5. junī piec naseņ nūtikušuos teritorialuos reformys jaunajūs nūvodūs nūtiks pošvaļdeibu vieliešonys. I ituos vieliešonys byutisku nūzeimi pamess na tik viņ iz vītvarom, bet īzeimuos arī jaunus rūbežus. Latvejis Radejis Latgolys studeja turpynoj prīškvieliešonu diskuseju cyklu, kurymā sešu raidejumu laikā izvaicuosim deputatu kandidatu sarokstu liderus voi puorstuovus Latgolys tūpūšajūs nūvodūs, kurūs vysvaira ir ītekmiejuse administrativi teritorialuo reforma.

I itymā nedeļā fokusā jaunveidojamais Bolvu nūvods, kas iz prīšku piec vieliešonu apvīnuos Bolvu, Baltinovys, Ruguoju i Viļakys novadus. Kūpā Bolvu nūvodā byus 21 pogosts ar gondreiž 20 tyukstužom īdzeivuotuoju. Iz 15 deputatu mandatu Bolvu nūvodā preteņdej 150 kandidati nu deveņu parteju. Tai kai KPV.LV diskusejā sovu daleibu atsaceja, itymā raidejumā pīsadaleis ostoņu politiskūs parteju ci apvīneibu lideri:

Jānis Trupovnieks, Latvijas Zaļā partija,

Leonids Cvetkovs, “Latvijas attīstībai”,

Sergejs Maksimovs, “Latgales partija”,

Aigars Pušpurs, “Latvijas Zemnieku savienība”,

Aldis Bukšs, Jaunā Konservatīvā partija,

Aija Mežale, Nacionālā apvienība “Visu Latvijai”-”Tēvzemei un Brīvībai/LNNK”,

Gints Grīslis, sociāldemokrātiskā partija “Saskaņa”,

Maruta Castrova, “Jaunā Vienotība”.

 

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.