Jau ituo goda 5. junī piec naseņ nūtikušuos teritorialuos reformys jaunajūs nūvodūs nūtiks pošvaļdeibu vieliešonys. I ituos vieliešonys byutisku nūzeimi pamess na tik viņ iz vītvarom, bet īzeimuos arī jaunus rūbežus. Latvejis Radejis Latgolys studeja aizsuoc prīškvieliešonu diskuseju cyklu, kurymā sešu raidejumu laikā izvaicuosim deputatu kandidatu sarokstu liderus voi puorstuovus Latgolys tūpūšajūs nūvodūs, kurūs vysvaira ir ītekmiejuse administrativi teritorialuo reforma.
I itymā nedeļā suocam ar jaunveidojamū Ludzys nūvodu, kas iz prīšku piec vieliešonu apvīnūs Ludzys, Cyblys, Zilupis i Kuorsovys nūvodus. Te iz 18 deputatu mandatim pretendej 80 kandidati nu pīcu parteju. Tai kai “Latvijas Krievu savienība” diskusejā sovu daleibu atsaceja, itymā raidejumā pīsadaleis četru politiskūs parteju ci apvīneibu lideri:
• Jevgenija Kušča, "Saskaņa" sociāldemokrātiskā partija
• Edgars Mekšs, Zaļo un Zemnieku savienība
• Alīna Gendele, Latgales partija
• Voldemārs Dibaņins, Latvijas Sociālistiskā partija
Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.
Ieteikt
Latvijas Radio aicina izteikt savu viedokli par raidījumā dzirdēto un atbalsta diskusijas klausītāju starpā, tomēr patur tiesības dzēst komentārus, kas pārkāpj cieņpilnas attieksmes un ētiskas rīcības robežas.
Pievienot komentāru
Pievienot atbildi
Lai komentētu, ienāc arī ar savu draugiem.lv, Facebook vai X profilu!
Draugiem.lv Facebook X